唔少公屋租戶或者業主，都捨得花大筆金錢為單位裝修，使居住環境更加舒服之餘，感觀上更接近私樓格局。有網民就向大家請教大，點樣設計或者要有咩原素，先可以把單位脫離「公屋味」。要有咩設計、擺設、用料，單位先有私樓feel。
有網民就分享左5大元素，包括安裝電子門鎖、房門用暗藏門、大廳用燈槽，廚櫃用人造石連盤，浴室座廁用掛廁。另外，布置亦十分重要，全色用統一色調，可以製造高級感，最重要係雜物唔好多。
不過，公屋規格始於與私樓有不同，有人就話公屋樓底較矮，天花同揀燈飾，會受到好多限制。而公屋租戶，單位始終唔係自己，唔建議咁落本裝修，只要乾淨舒服即可。
網民點睇
cheaxxx87：大門安裝電子門鎖，房門用暗藏門，廳用燈槽，廚櫃用人造石連盤，座廁用掛廁。
gxd：搞咁多嘢，最重要係你住入去既心態，你間屋整得幾咁有feel都好，你每次出入大堂走廊，電梯地下大閘都已經改唔到，唔通每次出門返歸都人間天堂兩邊走咩。
空x飛：有錢嘅話，整到靚一靚和合自己心水就得，何必介意於公唔公屋 feel。好似穿衣服咁，係人著衫唔係衫著人，自已覺得靚覺得舒適就可以。
King_xx_007：只要自己鍾意想點咪點囉！不過公屋就唔建議咁落本，我覺得只要乾淨、舒服即可。
Bloodycotton：小時候和媽媽住一個studio公屋，廚房廁所整定懶得搞，但外面鋪過地板，靠大床，鏡門大衣櫃，歐式家私和統一色調製造高級感。最重要是雜物不好多，當年還沒有近藤麻理惠(整理諮詢顧問)，但媽咪已經收拾整理到像她那麼整齊舒適。 隨便影張相，都以為是私樓。
黃昏的自信：公屋樓底太矮，只有大約2.3米，好難改得靚，天花同揀燈飾會受到好多限制
資料來源：地產站
Facebook：上車攻略 hkbuyhome
更多上車情報：居屋攪珠抽唔中 轉攻綠置居白居二懶人包
