地磚怕凍木板保養難 地板應該點揀?

裝修資訊

每間屋入面總有一幅地面,行到邊都會接觸得到,所以地板的使用率相當高,選擇地面裝修材料時亦應加倍注意。你知道地板材料通常有邊幾鍾嗎?應該點揀呢?就由裝修妹話你知啦!

地磚

第一種是地磚,地磚由黏土燒製而成,有多種花紋,規格由500mm、600mm、800mm至1000mm都有。地磚係正方形的,容易鋪設。但係行上去感覺就凍冰冰,冬天赤腳都會幾刺激。

地磚一般係正方形,常見規格由500mm、600mm、800mm至1000mm都有。

木紋磚

第二種係木紋磚,同樣由黏土燒製而成,主要係仿木地板紋理,比四四方方的地磚更好睇。木紋磚有多種尺寸,但基本上都係長條形。鋪工上會比一般地磚有技巧,尤其是木紋磚有比較高的長闊比率,所以熱脹冷縮下會較易彎曲,鋪設上真係考驗師傅手藝和耐性。

木紋磚有多種尺寸,基本上係長條形,鋪工比一般地磚更考驗師傅技巧。

複合木地板

第三種係複合木地板,如果怕用磚會凍親腳仔,用木地板行起來就舒服得多。複合木地板其實係由真木加工而成,但保養上會相當麻煩,既怕水又怕磨。雖然鋪設相對簡單,但對地台要求高。

複合木地板觸感比地磚舒服,但保養上會相對較麻煩。

無縫地板

第四種是與複合木地板相似的無縫地板,用木料加膠水壓製而成,面層由高抗刮物料壓成,所以花紋並非天然,只要避免濕水,耐用度比複合木地板高好多,起碼唔使成日打蠟。

無縫地板(下)面層由高抗刮物料壓成,耐用度比複合木地板高。

除了以上介紹較常見的地板,其實仲有好多其他類形的地面面材,有機會再同大家講解,請繼續留意「裝修妹話你知」。
裝修佬
本地裝修服務平台網站,提供裝修資訊、問答系統等服務,並設有裝修佬頻道,由行內專業人士以短片形式,深入淺出分享裝修相關知識。
FB:www.facebook.com/hkdecoman

資料來源:蘋果日報
Facebook:上車攻略 hkbuyhome
更多上車情報:邊間發展商為新樓提供最長維修保養服務?

廣告

發表迴響