真皮梳化、布藝梳化,哪種較好呢?

裝修資訊

梳化係裝飾客廳的重點,相信有好多朋友係購買梳化的時候都會苦惱,究竟係經典耐用的真皮梳化好定係款式豐富新穎的布藝梳化好呢?凡事無十全十美,以下裝修佬集合布藝梳化同真皮梳化的優點、缺點來同大家作比較、分析。究竟結果係點?裝修佬話你知。

真皮梳化優點 

真皮梳化優點款式大氣高檔、方便清洗打理、結實耐用等,簡潔易搭配,最重要係真皮梳化質感好,坐感舒適

真皮梳化缺點

真皮梳化價格都比較貴,款式較單一,易有刮痕。

布藝梳化優點 

布藝梳化俾人感覺溫馨,款式豐富多樣,透氣性能好,價格實惠,布料材質多,唔同材質唔同質感。

布藝梳化缺點 

容易污糟,難清洗打理,容易凹陷變形,潮濕天氣會容易發霉,容易滋生霉菌。

款式比較 

布藝梳化面料品種多,輕巧柔和,款式較新穎,色彩多變,非常適合年輕人品味。

真皮梳化典雅大方,無論從造型上還是面料上,都顯得豪華氣派、沉穩莊重,特別係闊落的客廳擺放真皮梳化,提升整個家居層次。

價格比較 

真皮梳化分為全皮及半皮,全皮梳化價值高,透氣環保性能好,歐美等發達國家普遍使用全皮梳化。半皮梳化背部、底部同其他一些隱蔽部位以PU或人造皮代替牛皮,但人體直接接觸部位仍為價值較高的牛皮,從而降低?皮梳化造價,比較經濟實惠。而布藝梳化材質以布為主,相對價格會較低。

壽命比較 

真皮沙發使用壽命長呢點係無庸置疑,而布藝梳化使用壽命則相對較短,一般過幾年就變舊座位凹陷,需要更換。

保養比較 

布藝梳化日常生活當中需要小心呵護,雖然布可拆落清洗更換,但係填充物係無法清洗,因為布料透氣,潮濕氣候容易發霉,容易滋生昆蟲。真皮梳化保養簡單,平時只需用乾淨抹布清洗便可,簡單方便快捷。

總結 

真皮梳化舒適、大方氣派、使用壽命長、容易清洗保養等,雖然款式方面會較單一,但越簡單會越耐看。布藝梳化款式多、透氣性能好、價格實惠之外其他方面會略輸真皮梳化。優質真皮梳化係非常耐用,保養簡單,非常適合平時忙於工作無太多時間打理的朋友。

資料來源:裝修佬
Facebook:上車攻略 hkbuyhome
更多上車情報:嘉湖山莊一個月平一球 二手樓冰封 9月底知真跌定假跌

廣告

發表迴響