於香港上車買樓似乎成為人生的追求，調查指樓價佔港人家庭年收入比率仍維持在20倍以上，連續第10年成為全球最難負擔樓價的地區，亦意味要不吃不喝20.8年才能夠置業。有網民就指早前睇過一個裝修節目，有一對近6旬的夫婦花百萬裝修單位，都不購入新單位，問幾多歲先唔會再諗上車置業。
網民就指，有樓趁後生買，一直租樓但到退休後沒有收入後，繼續租樓會是一種負擔。加上沒有穩定收入，業主相對不會考慮將單位租予此類租客。亦有網民指，無所謂幾多歲要買樓置業，主要考慮的應該是自己的樓價、需要、資金及供款能力等。
但亦有網民指，租樓亦有好處，租平業主包管理費，又新，有損壞搵業主，自己買不到的一千萬樓，以租真係平。
網民點睇？
simpleXX
唔會諗幾多歲唔買樓，只會考慮樓價、需要、有冇錢，供唔供得起
晴天XX
你又講得啱,我上司從來都唔會租畀60歲以上人士, 單親同埋份工唔係太穩定嘅人士,唔會理佢有冇錢交租,佢話費事煩。
sunshineXXXX
朋友單身，6x，舊了賣了樓，(住唔慣新界，今年買翻(full pay)，她説上年租樓有難度，因為沒有「入息証明」提供俾業主，要朋友幫手。
iamXXX
我朋友冇錢都鍾意租，原因租平，而家供樓同租仲平過供，業主包管理費，又新，有壞搵業主
當然租就幫人供樓，供就自己，自己買唔到一千萬樓租真係平
xoxoXXXX
緊係買，20年後通漲，層樓跟住漲。
而且20年後租金都跟住通漲，而家租金1萬，可能第時2萬起跳
misslamXXX
4x有能力供得起既話都係有個自住單位好過租人
網絡熱話：去到幾多歲至唔會諗買樓上車？
資料來源：經濟日報
Facebook：上車攻略 hkbuyhome
更多上車情報：【新盤供應】疫情衝擊礙進度 今年新盤料「缺」逾萬伙
