【租定唔租】租比內地生真係咁筍?網民:要有心理準備大裝修

樓市資訊

近年有不少內地學生來港租樓,有小業主就發帖問大家,有三個來港修讀副學士的內地男生,洽租單位而且一筆過支付全年租金,就問大家租唔租比佢地好?

把單位租予內地生作宿舍之用,不少網民都有保留,更加分享一些不愉快經歷,就話早前把單位租予3個內地女生,但最後是5個人住,而且屋內容易出現衛生問題,收回單位後,要有心理準備進行大裝修。

亦有網民續指,曾經跟地產經紀睇樓,當時單位正租予內地生,但形容入到單位好似去左垃圾場,大廳、幾間房地下擺了床褥「打地鋪」,離開時連經紀都話大開眼界。

當然,租予非本地住客,是有辣有唔辣,最好是寫清楚條款,或者業主可自行安排鐘點上門清潔,保持單位潔淨。

雖然有內地生租客願意一筆過付一年租金,但樓主擔心日後手尾係咪會好多?(資料圖片)
雖然有內地生租客願意一筆過付一年租金,但樓主擔心日後手尾係咪會好多?(資料圖片)

網民點睇

pillxxfung:自己想租就租囉。不過真係要知道,租畀大陸學生做宿舍,不論男女,租約條款要求100%要寫清楚,同預左約滿收樓要大執。

pigxxmmy:黎香港先係讀副學士….入U都未夠成績?驚佢幾個玩玩下…不過如果樓主覺得條件吸引都可以試下,但要寫清楚條款呢。

laxxiki:我吾會再租比任何年青外地人,之前租過比兩個台灣後生女,成日遲交租又唔覆電話,住左一年無聲無息搬左,收返間屋見到一定吾止住兩個人,污糟到恐怖,佢哋根本吾識執屋亦吾知乜野叫責任。

PandaRabbitttt:我試過跟地產經紀睇樓租屋,去到一個單位租緊俾班大陸學生,入到屋直頭好似去咗垃圾場。大廳、幾間房嘅地下都有床褥,無床架,走嘅時候連經紀都話大開眼界。

細xx:之前,租過俾3個大陸女學生,最後住咗5個,師傅上去维修,已同我投訴厠所好污糟。租俾學生好處係收晒一年租,冇乜要求,溝通方便直接,但就係污糟。

圖片:iStock
資料來源:地產站
Facebook:上車攻略 hkbuyhome
更多上車情報:【置業】逾7成受訪者認為現時非置業好時機

廣告

發表迴響