太快決定後悔買錯樓 網民:樓唔怕買貴 「今日高位、明日低位」

樓市資訊

二手盤源少,新盤銷情旺,營造了入市氣氛,不少人更形容,而家買樓快到好似買棵菜咁。不過,有剛換樓的網民就發帖指,後悔太快做決定,結果買錯樓,兼且買貴左好多,較舊年高位再貴6%,佢就只怪自己太傻太蠢,而家仲好唔開心。

後悔網民續指,當初自己睇中個單位,主要能貪佢有裝修,不過收樓後再認真望下單位,就覺麻麻地而且好失望。其他網民就安慰事主樓唔怕買貴,而且過去10年樓價都係處於升軌,所謂「今日高位、明日低位」,樓價方面完全唔需要擔心。亦有網民認為,如果買錯樓買貴樓就要唔開心,咁買唔起樓既,係咪應該更唔開心呢 ? 因為連買錯既機會都冇。

網民點睇

waiXXi710:我覺得有時唔可以咁諗既,首先你買樓為咩?自住?投資?當你投資先啦,我相信冇咩人可以最低價買+最高價放,睇開d啦。

因X:買左就俾心機工作,俾心機供樓,不要去看其他人的買入價,又唔關你事。平左,你又不可能買多間,升左 20%,你又唔會賣,又唔賣得,短期無肉食,俾心機享受下自己的成果吧。

windXXs311:又係哩個心態,當年我睇樓,覺得其中一間裝修幾好,決定買入,但收樓後先覺唔多得,要全裝修過。所以買樓不要睇裝修。

waiXXh20:千幾萬嘅樓,高一百萬就咁唔開心?咁我朋友在15年買7百幾萬樓,過兩星期已唔見一球,咁佢地咪要死? 而家層樓9球幾,佢地又供得起,自住冇壓力。

3個xx的主角:買自住樓求安逸, 唔買都買左! 你又可以做d咩, 唔需要估計幾年後樓市咩位! 要升就升, 要跌, 周圍都跌, 咁上心做咩。

無天絕x:買錯樓唔開心,買唔起樓既咪應該更唔開心,因為連買錯既機會都冇,既然買來自住又何必多想,應該將焦點放在點樣在有限budget下令自己在這間屋住得更舒服。

資料來源:地產站
Facebook:上車攻略 hkbuyhome
更多上車情報: 500萬樓會不會快消失?

廣告

發表迴響