屯門弦海公布價單，首批75伙，面積162呎開放式戶，入場價由288.88萬元起，新盤開價近一年來，再重見「2」字頭。
單看入場銀碼，對上車客而言非常吸引，以9成按揭計，首期只需約29萬元。銀碼細，又是否能吸引網民歡心 ? 大部份人都認為面積不呎200呎，居住空間太細，擺放左張5呎床後，室內空間已經不見了5分1。而且此類單位只適合1人居住，如果是夫婦的話，就真係由朝到晚，大家對足24小時。亦有網民指出，折實呎價接近1.8萬元，呎價計比上半年推售的屯門新盤御半山更貴。
網民點睇
Timxxerner：你想換樓果時，二手可以放比邊個。
潘x鄧小閒：162ft，放張5呎床唔見左5分1。
Arixxchod：租住先都好過買呢d，一個人都尚可，之前有新聞話夫婦2個人，個意思就係2條友，由朝到晚對足24小時。
xx分割技術員：仲要每日逼出去返工搵錢供而百幾呎樓，諗起都興奮。
綠x紅：但呢個位置其實真心差，全部交通都2頭唔到岸，龍門居搭巴士，友愛/安定搭巴士，西鐵站，全部行10-15分鐘。
蓋世xxx母：萬八蚊一呎 進取過御半山
資料來源：地產站
Facebook：上車攻略 hkbuyhome
更多上車情報：專家在民間 熱心網民教你4大上車要點
