有多少首期先可以諗買樓?網民:現樓市起碼要100萬

樓市資訊

身邊經常聽見有人問,究竟要幾錢人工,預幾多首期先可以上車。確實買樓豐儉由人,有能力full pay當然不用煩,否則無論一手、二手樓,都要「睇餸食飯」,簡言之,由人工、儲蓄去決定。

有網友qazxxxxx問,如果兩人結婚組織一個家庭,要上車,人工同首期要預幾多?

兩個人加埋人工過46000元,可以做到8成按揭,買600萬以下既樓,雜費另計,想請教有幾多儲蓄先ok?

而家上車盤直迫600萬元,以8成首期計,都要有百多萬才有資格上車。(資料圖片)
而家上車盤直迫600萬元,以8成首期計,都要有百多萬才有資格上車。(資料圖片)

除非買一手樓,多個按揭優惠讓你慢慢揀,低成數都可以上車,但二手樓,當閣下買層600萬元的物業,用盡8成按揭,首期要預120萬元,月供至少2萬元,加上每月的燈油火蠟、起居交通…..一大堆生活必需雜費,有數得計。

至於網民回應亦好理性,二人家庭月入5萬元最穩打穩紮,不論單位大、小,先上車,首期至少預100萬,因為市場無幾多個樓價450萬以下俾你借9成的盤俾你揀。

網民點睇

蟹X:首期最基本我覺得要100萬元(買樓加裝修),兩個人加埋應該要月入4萬以上,咁比較穩。照計唔會成世搵得2萬掛,當最低工資都不停加,但過幾年可能重難買過宜家,當你每人2萬都重夠供樓,真係應該上左車先。

YDoubleXXX:兩個人加埋過4萬至6萬,可以做到8成按揭買600萬以下既樓,但雜費另計。兩個人加埋過46000,買600萬以下既樓。當然裝修幾錢就睇你,幾萬到成百萬都有,無記錯整水同電好似最貴,無整可以平好多。

DMMXXX破解員:400萬以下樓可以做9成,第一舊錢預鬆少少首期60萬,壓測預鬆少少月薪4萬5。

拔x:而家閒閒地上車盤都要成5球,俾埋稅同裝修,冇150萬元點夠?

唐狗XXX:兩個4萬蚊有突啦,不過首期、裝修、佣金、印花稅開支預60萬係合理既。上咗車先考慮生仔啦。

殺XX:想當年(4年半前)我地結婚買樓一齊做,做完得返幾萬蚊,再即生小朋友,依家大家人工已經多左一倍,生活都算好舒服,重有閒錢養下車,所以建議,有理無理,上左車先,諗黎諗去,都後都係得個吉。

資料來源:地產站
Facebook:上車攻略 hkbuyhome
更多上車情報:詹Sir評2018年最高質新盤

廣告

發表迴響