海傲灣393.5萬元起 網民:價細吸引 惟呎價都近2萬

樓市資訊

新盤魚貫推出,九建油塘海傲灣剛開價,面積201呎開放式折實價最平393.5萬元,而網民最關心的是,呢口價抵買嗎?

市區盤銷售策略,大多是先考慮樓價,呎價屬次要。故此不少網民都話,呢口價可以買市場上車盤,對於預算不多的上車客,雖然呎價要近2萬元,但樓價細確實是有吸引力。

但亦有人就認為,項目位於工廠區,居住環境不太好,樓價上要打折扣。值得一提是,同系3年前開售的紅磡環海‧東岸,不少高層開放式單位,樓價都要400多萬元,故是次海傲灣定價,可以說是與3年前相若。

網民點睇

YUXXGIL:投資一定買開放式,兩房呢個價呢個則唔知佢點賣,不過九建盤唔多,多數慢慢賣。

wXX1621:唔否認600萬樓下果D賣倒部分,但佢連兩房都係賣2萬蚊呎,800萬買佢個3百零呎兩房,都買到同區500呎的嘉賢居同Peninsula East。

跑步X生:睇呎價跟本冇意思,整體買唔到呎價幾平又有咩用。4百零萬,做8成,少少首期就買到,大把人爭崩頭想上車啦

wXX_noel:三年前同系環海東岸開放式都要4百幾萬,依家果價係3年前。

NewXXe_E:發展商知道現今巿場只睇lump sum, 不睇質素呎數,夠錢上到會就有客仔

廣告

發表迴響