印花稅彙整 - 上車攻略

居屋2020 即將接受申請，想把握上車機會最重要是做足功課，了解買新居屋的流程及費用。今次會介紹買新居屋有機會面對的印花稅、釐印費問題，以防被額外費用殺過措手不及。

香港所有物業買賣都要打從價印花稅，才能夠到田土廳/土地註冊處註冊，新居屋單位就要在簽立轉讓契據日期後30日內繳付，一般交樓前律師會約買家簽約及繳交支票。

新居屋買家一般都是首置客會跟稅率較低的「第2標準稅率」計算：

一般人都會有誤解釐印費是跟成交價計算，但其實印花稅是按照物業的售價或價值，以較高者為準，再乘以稅率計算。

至於新居屋的印花稅計算方式，近幾期居屋只是簡單以「所有應繳的印花稅」，及叫買家致電稅務局查詢，相較之下，在2014年新批復建新居屋時就有比較清晰描述：

簡單來說，印花稅是會以差估署估算是市值再考慮折扣率計算，按照過往情況，差估署估算的市值跟房委會計算的最初市值有所差異，但差異亦不會非常之大，一般只在1至2成之間。

不過問題來了，由於現時印花稅率是按物業價值遞增計算，例如市值200萬元以下單位印花稅只是100元，但市值220萬元的印花稅已經是20,100元，相差200倍，這一點是買家要留神的。

政府由2012年開始分別推出15%買家印花稅，以及較高15%住宅從價印花稅率，加上來可以相當於樓價3成。雖然絕大部份居屋申請者都會符合香港永久性居民及無持有任何住宅物業豁免辣招稅的標準，不過有些特殊例子要留意：

公屋住戶，房協、房委會的過渡性房屋住戶都屬於綠表申請資格，前者雖然要是香港居民但不一定要是住滿7年的永久性居民，過往就曾經有公屋透過租置計劃買公屋，被稅務局通知追租15%買家印花稅，雖然其後立法會通過豁免租置計劃豁免，不過修訂並無針對新居屋作出豁免。

首置名義入市可以省卻印花稅支出，「人名」有價下，近年買樓多數只落一個人名。不過，有網民就話同男友拍拖10年，準備合資買樓，自己預算出資100萬元，男方就出200萬元。男友就話，未來有機會買多層樓，第一層樓就不打算落事主既名。

事主認為，作為一個女仔比左100萬元首期出來，日後仲要分擔供樓支出，如果層唔落名，即是等於送100萬比男友，再幫佢供埋樓，覺得件事好冇安全感。就問大家現要求落名，是否一個好過份要求。

有網民就分享了個人例子，指出自己同太太第一層樓是寫2個人名，出招後想買多層，就比較折騰受麻煩，如果雙方感情有信心既，就只寫一個人名。不過，大部份網民都認為事主要落名，去保障自己財產，而先簽紙結婚後再買樓，亦未嘗不是一個可行的做法。

網民點睇

unidexxified：我和太太結婚後的第一套樓，是寫兩個人的名字，當時情況和你差不多。但後來出了辣招，導致我們在買第二層樓的時候折騰得比較麻煩，所以覺得如果對雙方感情有信心的話還是只寫一個人的名字吧。

milxxea913：先簽紙後買樓，咁就可保障你自己一旦離婚，共同資產你有得分。你比得出一百萬，冇理由佢唔同意先簽紙後買樓，連咁基本的保障都比唔到你，唔好結。

siuxx345：我覺得樓主不安係正常喎，我有比到錢，仲要係全部錢成副身家，但又死都唔肯寫我名，比我梗係唔肯。

ASKxxOWK：人係好現實，拍左10年，你應該清楚佢為人同經濟能力。如果佢冇諗過寫你名，佢應該唔需要你份儲蓄啦。個人建議，你有100萬應該只作為自己打算，例如結婚補貼、買樓、投資。

ugxcat：換個角度諗，如果層樓寫你名，男方何嘗唔係送二百幾萬比你買樓?你覺得無安全感，男方都可以覺得無安全感，呢個係信任問題。

hurxxy413：唔好咁蠢呀，一定要加自己名，唔加最多唔買樓租樓住算，難聽啲咁講，將來有咩事都仲有個錢旁身，佢一走就渣都無呀。做女人點都要保障番自己，唔駛多少少都好，唔係就人財兩失喇。