不少月入7、8萬元的中產家庭，呻樓價貴買樓難。網上有文章指，所謂中產嚴重極度欠缺財務智慧，自己不停向下流，而不知自身問題，反而轉向社會投射佢地的怨恨。文章重點如下:
所謂的中產其實係享受緊「富人」的生活水平，卻以有限的人工去支付以下消費:
1 一家四口都要一人一部i-Phone，盛惠兩皮野，如果阿仔阿女唔小心跌左，或者玩悶左轉部三叔Galaxy，又幾千銀，連台費一年幾皮野
2 中產的你，有一種優越感，所以cheap野真係唔係咁易接受，所以一個lunch有時係咁易80-100蚊，夜晚同朋友食飯，無計200-300蚊人頭局比。
3 入夜太累了，有D錢唔應該慳，招手一下的士又去你100-200蚊。
該網民更總結：「無計，中產嘛，唔好虧代自己。」
不少網民認同文章論點，現在不少「所謂中產」，嫌棄住新界細價樓，但又負擔不倒港島樓價，索性長期租樓。但隨著樓價上升，以前千萬樓是豪宅，而在快變成上車盤指標，不過中產仍然原地踏步，所以離樓市越來越遠。
亦有人只認同文章一部份，現今社會講求生活質素進步，去旅行、食好野，重點是把自己思想空間擴闊，有錢亦要懂得怎花。
網民點睇
ryXXkkw：樓主講得好，大把沒父幹又買得起的，都係放棄左呢d享樂換來。當年沒樓時有成六，七年同老婆時真係死慳死抵，一部iphone用幾年。放工就返屋企，星期六日係屋企睇片。
paXX715：因為所謂中產，新界九龍又覺得cheap，港島又買唔起，索性做jojo (租租)。
城裡X月亮：只認同一部分～，吃喝玩樂 其實要懂得. 不是亂來. 什麼是懂得 就是把自己生活質素提升，儲蓄是一種良好習慣，但現今社會講求的，是生活質素進步，有了錢 也要懂得怎花。
BBQ33XX333：標準已經改變了，但大部分人思想依然跟不上。以前千萬樓係豪宅，宜家千萬樓就快變上車盤。不是樓市拋離了中產，係中產原地踏步所以離樓市越來越遠。
明亮X晨星：其實我都覺得現今樓價真貴，但現實如此，都要接受，唔好逃避（做長期租租），我唔識教人儲錢，不過古人智慧：「小富由儉」。
資料來源：地產站
Facebook：上車攻略 hkbuyhome
更多上車情報：邊間發展商為新樓提供最長維修保養服務？
