租入單位後，發現有家具損壞，貨不對辦如何是好 ? 有租客於討論區大呻，入住單位後，才發現煮食爐損壞，但業主話貴唔肯換，要換就「一人一半」負責支出。
事主重申睇樓時，單位沒有接駁煤氣，當時未能測試爐具功能，爐具並非他整壞，而且租約列明，非人為損壞由業主負責，故此無理由，要租客一齊負責費用。
大部份網民都認為業主做法不恰當，亦建議事主先自行購買煮食爐，再把單據、安裝日子等一併通知及交給業主，支出於租金上扣除。一旦業主不願意負責，日後遷出單位時，大可以把爐具一併帶走。
網民點睇
19xxHK：合理的維修開支，租客可以自己比，然後租金扣，業主不服可以慢慢上小額錢債追討。
woodsxxdsunmoon：業主恰你，佢唔啱，貨不對版，唔交租，同佢講等整番先交。租樓日日賺，但就要曬時間處理鎖碎事，時間同煩也很貴。
Mxx208：老實講，呢個case真係難以令人相信，如果係真嘅，我提議租客喺whatsapp度通知業主，會買邊煮食爐，幾時安裝，影埋張單比佢，再下一個月交租時扣返。
booxxong：極力爭取，揾AGENT幫下手，佢都有份賺你佣金，強調入住時已壞，保障返自己。佢唔肯比，睇你幾多人食，如果係我，人少用，自己買個電磁爐，捱一年，搬屋拎返走。
bigbxxbc：一係自己買用電爐，一系唔同佢夾，自己比$買爐，第日走果陣帶返走，第日用唔著都米益佢。佢個壞爐叫佢丢左佢
