8個上車客睇樓貼士 網民:代理主動減佣就真係底價

置業貼士

不少細單位樓價,陸續回落至可承造高成數按揭,即600萬元或以下水平,吸引唔少上車客目光。有網民就醒新手「8招」睇樓貼士,以下為節錄。

1 要有禮貌及做足功課,唔好比代理覺得你係運吉。

2 俾個代理知道你跟緊幾間地產睇樓,唔敢報貴野俾你。

3 唔好搵扎根多年老行尊代理,有平盤佢都會搵自己先。

4 自己上中美差估成交網睇成交量同升跌

5 舖面同網上廣告經常造假,問多幾間地產

6 除左寫落合約,其他口頭陳述、承諾一律追究唔到

7 傾價傾到最後,如果代理主動提出減佣,口價真係底價

8 執平野要快狠準

唔少網民都大讚新手入市「8招」有用,尤其是係第二點,買樓要貨比三家之餘,跟多幾間代理行睇樓,對行情及盤源,會有更深刻的理解。雖然不少上車盤樓價,已比高位下跌逾1成,不過網民都強調,入市要根據自己實力而定,唔好因為樓價有些微回調,而衝動入市買樓。

網民點睇

賭海x富:第二點真係有用,我上年買個時同一個盤,底價可以差二十萬。

Roxal級:地膽aa專出埋啲招數呃新手,比埋d豬頭骨你當搶手貨。幾組客約埋同一時間睇樓,好似去示範單位咁扮搶手,實情跟本係賣唔去既死貨。

通天老x:最憎d代理唔幫你議價,成日話呢個價好低架啦 ,然後過兩日成交左個更低既價。當年因為咁買唔到個筍盤,高層東南樓,低估價兩成。

烏x卒:咁快就要睇上車盤?!,唔係跌到下年咩最少,諗住至少觀察到下年第一季。

沒事X:有D上車盤,三個月跌左20%以上,風險系數已經低返好多

X聞日報:仲有新區供應多,價錢唔會太硬。跌市會跌突,升市又水尾升。所以有資金,揀舊區啦。

資料來源:地產站俾少少tips最近睇上車盤?巴打
Facebook:上車攻略 hkbuyhome
更多上車情報:新盤成焦點 交投料再超越二手

 

廣告

發表迴響