80後裝修判頭靠配對平台彈起 教你拆解裝修陷阱

裝修資訊

「其實係屋企人做開工程,本來都冇諗過入行,但喺出面打打下工就諗:幫人哋,點解唔幫自己屋企人呢?咁就去咗幫爸爸手。」Rico說。Rico樣子斯斯文文,皮膚白皙,看樣子似書生多過裝修師傅。不過採訪當日,他輕易就將一包數十公斤重的英泥抬上肩膊,用行動告訴你:他是個名副其實的裝修師傅,而他平日接生意應對客人,亦與其他師傅一樣,要落手落腳「堅做」。

今年31歲的Rico,已有13年裝修經驗。(梁鵬威攝)
今年31歲的Rico,已有13年裝修經驗。(梁鵬威攝)

72行還是裝修最好

「由低做起㗎,以前真係咩都要做,仲要成日畀人鬧添!」Rico指,雖然自小已有見到爸爸做裝修,但到真正入行,確實要從頭學習,由低做起,「打坑、藏喉、泥水、搬嘢、掃地等等,咩都要做。做得唔啱師傅心水嘅,又要重新再做。」讀至中五的Rico,入行前曾在飲食業、服務業和辦公室工作,但發現還是裝修最適合自己,「呢行唔似其他行業時間長,自由度又低,又要面對辦公室文化,裝修就冇呢種感覺。」

現時已是裝修判頭的他,除了要與師傅合作,亦要負責與客人溝通。(梁鵬威攝)
現時已是裝修判頭的他,除了要與師傅合作,亦要負責與客人溝通。(梁鵬威攝)

多年以來,他跟隨爸爸工作汲取經驗,其後自立門戶,現時已是裝修判頭。不少合作的裝修師傅也比他大年紀,有經驗,他們會否不服?「其實年紀都唔係問題,最重要係溝通,平日同師傅做嘢我都會問佢哋意見,唔係我講一就要一,二就二。」Rico認為,老一輩的師傅很有經驗,平日工作既會詢問意見,亦是有說有笑,「笑騎騎就可以起貨」,關係亦師亦友。除了要與師傅合作,Rico亦要負責與客人溝通,包括前期報價、畫圖,以至後期的工程內容、驗收等等,他表示,這個過程有很大滿足感,「將間屋由零開始,整到出嚟客人見到係滿意嘅,會有成功感。」

「將間屋由零開始,整到出嚟客人見到係滿意嘅,會覺得有成功感!」Rico說。(梁鵬威攝)
「將間屋由零開始,整到出嚟客人見到係滿意嘅,會覺得有成功感!」Rico說。(梁鵬威攝)

說話太直得罪客

雖然現在Rico可以「口響響」說溝通最重要,說話時亦不慍不火,但原來過去他不擅溝通,對客人說話時「有嗰句講嗰句」 ,因過於直率曾經得罪客人,更曾因此完全「冇生意」。「之前個人比較心急,解釋畀個客聽施工方法或過程時會語氣比較重,令佢哋感覺唔好,於是起爭執。」後來透過裝修配對平台擔任「中間人」幫助協調,他學懂不同方法,心平氣和地與客人對話,明白裝修細節要清晰列明,才能避免誤會。現時他的生意已漸回軌道,亦因為合作良好,也會幫平台做推廣。

只要夠細心,就可避免一些常見裝修陷阱。(梁鵬威攝)
只要夠細心,就可避免一些常見裝修陷阱。(梁鵬威攝)

他亦以「裝修界KOL」的身份,與大家分享一些常見裝修陷阱:

陷阱一:平價套餐

坊間有些裝修公司會游說客人幫襯超低價裝修套餐,但在工程開始後就會不斷提出一些後加工程,一些合約中會包含了中止合約賠償條款,令客人想cut裝修服務都難。Rico建議,客人要確保工程內容是以白紙黑字列明細節及收費,亦不要怕麻煩要「每事問」!

陷阱二:翻新油漆冇「鏟底」

翻新牆身一般包括「鏟底」、批灰及上新油漆等工序,但如不「鏟底」,可以節省近一半工序,而部分公司在上新油時沒有髹足3層,日子久了,牆身會出現龜裂或剝落。Rico建議,要留意合約寫明的油漆牌子及品質,翻新期間可要求師傅每個工序都影相紀錄,或是親身到場檢查。

陷阱三:材料全包定半包?

裝修時可以選擇全包材料,亦可以選擇自行提供部分材料。Rico提醒,如選擇全包,要留意報價單有否列明牌子及款式,以免之後要加錢轉款;安裝地磚要列明以下數點:先拆除舊地磚、不見光位置也需安裝地磚、裝地磚位置及呎數,以免有位置不包括而需要加錢。

Rico表示今時今日做裝修,要隨着社會進步而提高服務質素。(梁鵬威攝)
Rico表示今時今日做裝修,要隨着社會進步而提高服務質素。(梁鵬威攝)

「我覺得𠵱家啲香港人,資訊比起以前多好多,可以喺網上或者唔同途徑搵到想要嘅資料,客人會知多咗咩係好,咩係唔好。」Rico認為,今時今日做裝修相比過往大有不同,港人的收貨準則大幅提高,因此裝修服務也要隨之提升,追求盡善盡美,才能配合到社會需要。

資料來源:香港01
Facebook:上車攻略 hkbuyhome
更多上車情報:溫暖日式家居設計!500呎中單位裝修 變身無印木系部屋

廣告

發表迴響