家居陷阱無處不在，有網民指家中浴室的天花突然倒塌，石屎掉落連座廁都「扑穿」，幸好當時浴室沒有人使用，否則後果不堪設想。樓主指屋苑樓齡未足20年，已經請合資格人士到場檢驗，指很大機會為樓上喉管滲漏，另一個浴室天花都有少少裂，雖然未即時危險但都要整修。
網民指幸好沒有人使用浴室，如此大塊的石屎掉落，「頭都穿啦」。有裝修業界網民就指，多為鋼筋生銹發漲逼爆石屎，未必與喉管有關， 並勸說樓主要樓上單位做色粉測試，指如果有漏水的話，維修完很快又會再冧。
網民點睇？
XX消防員：我喺60年樓齡工廈度做 樓主冧天花d鋼根同我工廈冧天花d鋼根一樣
旺角XX：廿年都無就搞成咁呀，呢d係鋼筋生銹發漲逼爆石屎，俗稱spalling，廿年話長唔長話短唔短，應該係樓上防水做唔好啫，如果喉有事至少會滴水
XX四射：同埋最好叫樓上做色粉測試睇下樓上有冇漏水，如果有漏水既話執返都好快又冧過。
哥XX：幾年前屋企都係咁，以前有個習慣係廁所訓晏教，又唔知做咩咁好彩個日上番自己張床訓，呯一聲以為有人跳樓望出街，隔左陣先知原來廁所冧天花
古XX：滲漏你會見到有銹水滲到天花片，通常十幾年就搞成咁係沖廁水喉滲，或樓上牆腳嘅沖廁水灰色掣滴水，滴到個地台去水口長期濕引起鋼筋發漲，如果無水印即是純石屎老化，垃圾建築商
網址連結：[突發]廁所冧天花，石屎整穿廁所板
資料來源：經濟日報
Facebook：上車攻略 hkbuyhome
更多上車情報： 【應付催淚彈】催淚氣體入屋即以毛巾攝窗 事後清潔勿用熱水
