【我的置業故事】80後張太曾心灰:「係咪一世租樓」 堅持儲蓄終抽中新居屋

樓市資訊

樓價狂升,人工點追都追不上,不單是80後張太,還是更多無殼蝸牛多年的心聲。從事教育界的她大學畢業至今約10年,自認錯過不少入市良機,到成家立室才驚覺有置業需要,但見新盤劏房呎價都要2萬元,是個人月薪三分二,曾經心灰無助、消極地想:「係咪要一世租樓呢」,甚至萌生「唔生小朋友」的念頭。

但她無放棄,與丈夫月入約5萬元,死慳死抵堅持儲蓄約200萬元。結果去年抽中新居屋啟德啟朗苑,中籤那刻不停問自己「係咪真㗎!」,日前收樓「四萬咁口」地說:「終於上車啦!」

80後張太大學畢業時都沒有想過買樓,數年前與男友拉埋天窗,「開始諗買樓,但已經諗遲咗,樓價已經好高,錯過咗入市時機」,看過不少新樓,「都係開放式單位,而單位越細,呎價越貴,呎價近兩萬蚊,每一呎接近個人月薪嘅三分二,某啲地區呎價仲超過2萬蚊,咁樣嘅價格唔合理!樓價太貴,人工又追唔上,得個睇字,無法負擔。」上車難,當然不開心,更有一種無助感,「心諗係咪要一世租樓呢?唔知敢唔敢生小朋友,諗好多未來嘅事,覺得無力去改變。」婚後產子,與老爺奶奶一起居住新界村屋,但距離工作地點九龍區很遠,交通不便,「有自己安樂窩係好多人嘅夢想。」

心灰意冷但不代表放棄置業夢,「未至於買唔到就算,一路都努力緊,仍然留心樓市走向,睇下仲有無機會。」兩公婆堅持儲錢,「咁多年真係好慳,唔敢旅行,目標始終係成家,娛樂真係好少。」去年政府以市價52折發售新居屋,啟德、長沙灣都是她心儀的地區。張氏夫婦月入約5萬元,多年來儲蓄近200萬元,合符入息及資產要求,「上車一路無望,咪試一試……雖然廿幾萬人申請,但都總叫有少少希望」,最終抽中前籌,「嗰刻難以置信,問自己係咪真㗎?真係得,好開心!」

她以約323萬元購入一個實用445方呎的單位,居屋一般最高按揭成數可達九成,但她自稱保守,選擇支付約4成首期,向銀行借約200萬元,月供8,000多元,「嚟緊有生育計劃,未來開支會增加,唔想供樓佔太大負擔,一路供樓係供廿年或廿五年,比較吃力,無彈性,所以想盡量降低供款,令每月收入可以投放更多喺小朋友身上。」

日前收樓,難掩興奮之情,就算單位是清水房,全程笑口常開,「無裝修,無任何嘢,但係自己嘅家,有少少成功感,覺得終於上車啦!而家就擔心有無漏水,因為自己住過村屋有漏水和白蟻。收樓有無喜出望外?有呢個單位已經喜出望外,裡面就算咩都無都好開心。」

記者:陳家雄

資料來源:蘋果日報
Facebook:上車攻略 hkbuyhome
更多上車情報: 500萬樓會不會快消失?

廣告

發表迴響