屯門新盤呎價1萬有交易 價錢與位置成正比?

樓市資訊

市場上有4個新盤齊推,其中永泰旗下屯門新盤OMA OMA 首張價單98伙,全數低於600萬元,當中有9成屬2房,主攻上車市場,呎價1萬多元有交易。

而OMA OMA 以銀碼細作賣點,惟項目的地理位置,就不太得到網民歡心,指出去屯門最快都要3、4個字車程,而且區內連間似樣D的士多都冇,生活配套差。

有網民就話以同樣的價錢,寧願買屯門二手居屋,除非自己一個人住兼有車,就可以諗下入市。不過香港地邊個唔想屋企又平又新又近公司,故此要買OMA OMA 就買大單位,交通唔方便,不過住得舒服去補償。

網民點睇

YUXXGIL:仲入過星堤NAPA….冇車真係麻煩D。平唔平見仁見智,平均11K兩年樓花。上源而家加到13K,9個月樓花,位置規模都好D。

CC_XXAN256:永泰塊地買得平,益街坊。呢口價有競爭力,應該好易沽清。

香港X佬:想熱鬧就買市區30+舊樓,想平住新樓就買遠d。香港地係咁架啦,邊個唔想又平又新又近公司。

春天黃XX槤:Oma oma成個區都無商場連間似樣既士多都無,得單行線出青公,去屯門都要20分鐘車程,你買埋我果份。

燈X中仁:買就要買大,交通唔方便,用住得舒服補償,d細單位真係算啦!

JJXXai:真係好平,不過自住我寧願揀屯門二手舊居屋,果度始終配套好唔得,交通又不便,買小小野食下下日曬雨淋行餐飽又唔多選擇,一係要搭半個鐘車入屯門(要計埋等下),日常生活好困難,除非自己一個人住兼有車可以諗下,兩個人一架車都唔係好掂。

資料來源:地產站
Facebook:上車攻略 hkbuyhome
更多上車情報: 居二量跌價升 現高價成交

發表迴響