賣樓與母親有分歧 網民:層樓又唔係你 你無話事權!

樓市資訊

正所謂家家有本難唸的經,財產分配往往很難達成共識。有網民指一家四口現時租私樓住,公公過世後,將一個位於九龍市中心旺區的2房伙留給媽媽。

樓主主張將單位賣掉後加上儲蓄換個大單位同住,落父母名但由自己及姐姐共同供樓。但媽媽則認為當區位置理想,應放租幫補現時租金,再等多年後重建。

家人意見分歧,故想問網民意見。網民就指,單位為公公留予媽媽的,應尊重其意見,不要將單位當成樓主自己的資產作分配。如樓主將來結婚想置業,亦需要考慮到底繼續與媽媽同住,或是要求媽媽將單位加按補貼自己。

網民點睇?

D.X:想有自己房所要諗長遠d,你要諗下將來2按or轉賣個陣,你仲有冇供款能力,又或者,你如果唔介意將來結婚同母親住,咁就去馬。

XXX的天空:層樓既然係你阿公留俾你呀媽,就應該尊重你呀媽的決定。換大屋意味要借多d錢,你媽亦可能係考慮到自己已經冇收入/就退休,唔想冒太大風險。後生想take risk唔代表老的都願意take risk 。

XX分裂症:如果女朋友唔肯一齊住,係咪娶過第二個?就算間屋大到分兩層,同屋住都係唔得架。更何況只係分房住,到時你老婆、阿媽同你都唔開心,為乜?你想賣,一係唔好娶老婆,一係等你媽咪百年歸老,間樓真係留比你先賣。

XX一心:層樓係你阿媽又唔係你,佢想點咪點,放租有咩唔好,佢老人家老左又有萬幾收入比佢過日神。

27X(業主):見樓主話佢地一家係租緊私樓,但啊公層舊樓就七十年,好大機會係舊區嘅唐樓,兩者嘅加租能力有別,長遠來講租樓嘅開支會增加。所以我覺得有好價錢依家賣咗佢,攞來做大舊首期買層大啲嘅二手私樓去供好過。

資料來源:地產站
Facebook:上車攻略 hkbuyhome
更多上車情報: 太快決定後悔買錯樓 網民:樓唔怕買貴

廣告

發表迴響