新一輪居屋已於昨日起開始接受申請，首日已錄超額認購，成為網上討論區的討論焦點。有網民就問，自己現居於公屋，已婚但因太太與哥哥共同持有一個單位，單位現時由哥哥一家居住，想問是否可以以自己一個人的名義白表申請新居屋。
網民指，因樓主已結婚，要申請居屋需以家庭資格申請，但太太持有半層樓，不合申請資格。唯一的方法是將太太手上的半層業權賣予哥哥，「甩咗名就可以」。亦有網民指如哥哥不肯賣，為長遠利益計，不如直接將半份業權送給哥哥，好過因小失大。
網民點睇？
AdaXXXX
結左婚就要兩公婆名義申請
sinoXXXX
叫你老婆賣咗個一半業權。
佢唔賣日後買樓都唔落得名。
野原XX
如果對方唔肯搬,又唔肯買半業權,又唔想因$失感情。長遠計不如送咗層樓比阿哥吧, 自己2公婆申請公屋居屋啦。
你諗下, 得個掛名的不動產,錢永遠拎唔到, 而且換個想法, 層樓只不過係意外之財, 本身就唔係你2公婆的錢, 你哋無蝕過錢。
MMXX
你本身都係諗住自己一家申請居屋，老婆層樓有定冇都唔會影響購買能力的話，蝕讓又好、無條件放棄又好，點都要解決
問題係你本身住緊嘅公屋，都只係住戶非屋主，長遠都要有自己一家住嘅地方
肥肥X
叫老婆放棄公屋業權，但仲有個問題係每人一生只可享有一次公共房屋福利，就算你老婆除名都未必可以抽居屋，而你同佢結左婚吾知有冇影響，打電話去房署問清楚
資料來源：經濟日報
Facebook：上車攻略 hkbuyhome
更多上車情報：【單位奇則】廁到用時方恨少 4房4廁夠貼心？
