專家在民間熱心網民教你4大上車要點

有網民發帖益大家，就話其實上車真係唔難，以500萬元樓為例，兩公婆首期連雜費125萬元，供30年，月供只係約1.5萬元，另外，買樓前以下幾點計清楚，就萬無一失。

1 盡可能一個人名買，遲d轉大間用老婆名買，慳返個首置機會(慳好多嫁)。

2 所有野要R到盡，乜乜cash rebate (現金回贈)，所有野都要攞，果度扣曬夠你買電器。

3 盡量第一間上車要搵間吾洗大執，因你都要留d cash 備用。

4 買樓最好以市區首選，同埋最緊要留意該區租盤承接，萬一有咩事，大不了租俾人住幫你供。

但有網民認為，明知樓市有周期，現在樓價高且趨跌，叫人入市是無良心行為，而且無人能夠保證低息環境，以買家未來的工作及收入是否穩定，又指出買樓不可以勉強，住得開心就得。支持上車的人就認為，層樓始終是自己，供樓辛苦但都是值得。

前往xx的廁紙：呢啲良心行為真係感謝！當你有錢比手期，都問吓自己仲有幾錢淨？再唸唸二個人入場時都三十、登六先供得完，如何保證未来三十年都可以揾每月四萬或以上，三十年利息都咁底？

drixxcheung：從前我會覺得樓價同人工失業率掛勾，但買過樓後覺得根本香港好多人都好有錢，唔洗做靠炒買投資，你可以繼續做陀鳥，但唔好害人，第一層樓夠首期供得惦怕咩買，唔通租樓年年搬屋好過癮。

咩都食小xx啦：買樓真係唔好勉強，亦非人人都啱。有一兩層自住亦唔代表一個人的成功與否。自己覺得舒服自在比什麼都重要。

樓下xx的羊：都係果句、有需要未買囉、要自住吾需要理佢跌定升。想買完租比人就一定吾好買新樓、根本cover吾到（以8成計算）、預要比多3-4千頂、識玩一定玩一開4-5間。

沙田野生的xx：樓主講得好好，細細地上左車先最好買市區，因為買賣容易/放租容易，如有咩意外，頂吾順咪放租囉。雖然租金未必一定夠供款，但都吾需要補太多，層樓係自己，係值得的。

復活的xx仔：供同租個錢差吾多咋，你冇首期咪買吾到，就係咁簡單，叫人租成世樓，全支出又好良心嗎。

3 thoughts on “專家在民間熱心網民教你4大上車要點”