月份: 2019 年 7 月

香港樓市太癲，身邊很多朋友都說想買樓…   然而每次叫他們去睇樓，仲慘過叫佢去死！一世「買錯樓」就這樣展開序幕…

難靠買樓發達第一類…冇得救！

十萬個理由推三推四~~又話約咗女朋友、要開OT、買咗飛睇戲、阿媽煮咗飯…真係乜理由都有！

根本就唔想去睇，咁點買呢？緣份到了，就自然會有筍盤自己走上來敲門：「等咗你好耐啦，買我啦！」冇得救，不談了！

冇諗住買，有乜好睇？

難靠買樓發達第二類…冇眼睇！樣樣都話唔啱、冇興趣~~

例如叫他們去元朗屯門睇下上車盤，他們會說：「咁遠？冇諗住買，有乜好睇？」

叫佢哋去奧運四小龍睇嚇中價樓，他們會說： 「咁大銀碼，都買唔起，有乜好睇？」叫他們去睇嚇新樓，他們會說：「價錢咁貴，貴過附近啲二手兩三成，有乜好睇？」

叫他們去睇嚇市區舊樓，他們會說：「樓齡咁舊，冇諗住買，有乜好睇？」

總之，有諗住買的，先有興趣去睇！

甚麼是「有諗住買」的樓呢？

其實很多時候，他們不知道自己想要甚麼，最終在沒有給予自己選擇的情況下，很多朋友都會選擇自己熟悉的地方，例如自己屋企、親人朋友屋企、者工作地點附近。然而熟悉，不代表賺錢。

筆者上車的時候，都是抱著這個心態，自己在港島西長大，眼光也就局限在這裡，幸好過去十多年升幅強勁，但回想起來，如果不是港島西線，未必可以賺到這麼多。

買樓發達思維：就算「冇諗住買」其實都應該要睇！

睇樓不是為買樓，而是為增進資訊、知識、經驗，為了知價！

就算你的計劃是買新界東的上車屋苑，也應該到其他地區走走，看看其他地區質素相若的上車盤是甚麼價錢，這樣才知道自己鎖定的目標地區有沒有偏貴。

如果是投資的話，更應該看看其他質素、類型的樓，新式屋苑是甚麼價錢？舊樓又是甚麼價錢？回報有多少？預期升幅又有多少？這才是所謂的…性價比！

「資金多、欠債比率低、需求大及供應無改善」

資產倍增思維：就算「冇諗住買」其實都應該要睇！利劍不是出鞘果一下先諗住磨，對嗎?

買錯樓比買貴樓更危險！ by Ann姐

撰文：Ann姐 
圖片：新傳媒資料、unsplash
資料來源：SmartED經濟一週
Facebook：上車攻略 hkbuyhome
更多上車情報： 預售樓花兩成要求變數字遊戲 存3大灰色地帶

本港樓價再創新高，據差餉物業估價署公布數據顯示，今年5月私人住宅售價指數創下歷史新高，報396.8點，按月再升1.4%，打破去年7月394.8點高位。

5月私人住宅樓價指數升1.4%

本港樓價指數連升5個月兼創新高。據差餉物業估價署資料顯示，5月私人住宅樓價指數，按月升1.4%至396.8，突破去年7月高位，但升幅較4月放緩近2個百分點。首5個月，樓價指數升10.4%。上月租金指數上升0.36%，連升3個月，首5個月升0.83%。

將軍澳區二手樓破頂

將軍澳最近有新盤推出，亦無礙同區二手樓破頂。據悉清水灣半島2座高層A室，實用面積1,041方呎，望海景。於2017年已叫價1,500萬元放售，最終以屋苑新高價1,488萬元售出，呎價14,294元。

原業主2000年以451萬元購入，持貨約19年，帳面獲利約1,037萬元，期內升值近2.3倍。同類對上最高賣1,398萬元，屋苑樓價首破1,400萬元關口。

公屋亦再錄高價買賣，大埔富亨邨新近創該盤做價歷來新高。屋苑亨泰樓高層1室，實用面積443 方呎，於已補價自由市場以463萬元登記售出，呎價10,451元。

信和置業(00083)旗下大埔白石角逸瓏灣8，湧現高價交投兼創同類單位新高紀錄。屋苑3C座2樓F室兩房特色戶，實用面積574方呎，平台面積390方呎，成交價1,231.96萬元，呎價21,462元。項目至今累售372伙，套現約33億元。

大額二手物業方面，據市場消息指，奧運站帝柏海灣複式戶早前創紀錄後，屋苑2座中層D室，實用面積744方呎，以2,076萬元售出，呎價27,093元，創標準戶呎價新高。翻查資料同座更高層的同室單位，年初售價約1,728萬元，未計樓層差異，半年升約20%。

撰文：Smart ED編輯部
圖片：unsplash
資料來源：SmartED經濟一週
Facebook：上車攻略 hkbuyhome
更多上車情報： 90後上車3大心得