房委會最快今年5月推售新居屋，網民就列出6個將推出居屋屋苑的優點，比大家參考一下，又問大家會點揀?
1: 凱德苑 (長沙灣)，近海，配套好，有新舊商場，附近名校
2: 尚文苑 (荃灣)，配套好，野食買野多選擇，近大窩口站
3: 雍明苑 (將軍澳)，環境好，有單車徑，有綠化，商場多，去港島方便
4: 旭禾苑 (火炭)，地鐵隔離，算得上香港中心東南西北去邊距離都平均，樓價最平
5: 冠德苑 (何文田)，校網，地理位置優
6: 錦暉苑 (馬鞍山)，海景，環境好
常言道買樓最重要「位置、位置及位置」，而且居屋質素及開則不會有大差異，故此大部份網民就首選何文田冠德苑，不過就嫌定價貴，入場費要325萬元起。至於次選就係長沙灣凱德苑，接近南昌站及附近有大型商場落成，配套一流。不過整體而言，今年6個屋苑都位於已發展的地區，最遠亦只是馬鞍山錦暉苑，有人指出，如果今年唔衝去買，真係蘇州過後無艇搭。
網民點睇
摩登X代：何文田=長沙灣>荃灣=將軍澳>火炭>馬鞍山，由於居屋全部質素開則都統一，所以一定係揀左地區先，何文田本身個區高質，而且位處九龍中，就算計埋行去地鐵都係去邊都快。
i-vXec：凱德苑邊有得輸，附近南昌站，夜晚跑步靜靜地唔多人一流，又有公屋商場比你買餸。
望下個天去個X：最差將軍澳，填海出黎，每到夏天又臭。
曲芸XX化師：要記住三個重點，Location,Location,Location。如果你唔係退休人士，咁你每個星期應該有5日要返工，你應該唔會柴灣返工買元朗樓掛。
焦糖XX奶：居屋有貴買貴冇死既，同一期最貴=最正，剩係何文田都值啦。
武當變XX：今年真係好過上兩年，早兩年又梅窩又東涌咁，今年衰極都有馬鞍山，唔衝真係蘇州過後無艇搭。
資料來源：地產站
Facebook：上車攻略 hkbuyhome
更多上車情報： 全．城滙驚現「石棺魚缸」 明哥：驗樓十年未見過！
