綠置居迷你戶滯銷 網民:用公屋換當然唔會換劏房

樓市資訊

以市價42折推售的長沙灣麗翠苑綠置居,於3月底開始揀樓,經過2個月時間銷售後,有眼利的網民留意到,項目至5月底仍未沽清,而大部份「賣剩蔗」,屬於面積184平方呎的迷你戶。

有網民籍此就批評政府帶頭起劏房,根本就不了解市場上需求,而且單位只有百幾呎,如何能夠吸引現居面積較大單位的公屋租戶,去上車置業呢? 而且一生一次機會買資助房屋,唔會咁傻去買細單位。

不過,有心水清的人指出,其實麗翠苑有逾8000人為單身申請,此類買家就預左會買開放式細戶,故此唔需要擔心項目會賣唔曬。

有網民留意到麗翠苑迷你戶仍未售罄,有認為用公屋換當然想換大單位。(資料圖片)
有網民留意到麗翠苑迷你戶仍未售罄,有認為用公屋換當然想換大單位。(資料圖片)

網民點睇

JX咪路:政府帶頭起劏房,啲百幾呎單位點解要用間公屋黎換,1人公屋租又平,日後搵到女結婚生仔可以申請大單位,又可以抽居屋大單位。一世人一次機會,點會有人咁傻唔住公屋走去買劏房。

焦糖XX燉奶:一房單位350呎唔算細,但係d開放式點會有人買,剩返d貨尾又拎返去公屋租?

流X天空:放心唔會賣唔出啦, 180呎果款開放式有300個, 280呎果款有600個,而今期麗翠苑綠表單人申請有成8000個,單人申請得既就預左食呢d開放式單位啦。

摩X時代:細單位要黎把鬼咩,浪費左張綠表,張綠表本身仲值錢。

~你X母~:當你同家人住,幾個點住開放式,迫埋一齊好好玩咩,貪得意,當結婚生仔都唔知點搞,大d點都易搞

不X:2人家庭住緊200呎左右新屋高層,同而家淨番個啲應該冇分別,甚至淨番啲更細,再博黎緊呢期居屋好過。

資料來源:地產站
Facebook:上車攻略 hkbuyhome
更多上車情報: 太快決定後悔買錯樓 網民:樓唔怕買貴

廣告

發表迴響