分類: 置業貼士

分類
置業貼士

【樓宇按揭】「龍床盤」不批按揭成驚弓之鳥 樓按審批時間要幾耐？

近日有一個主攻迷你單位的新盤，被指有大銀行不肯承造按揭，引起滿城熱話，而新近買了二手樓的網民xxxmcy，剛剛簽下臨約，亦擔心銀行未能同步批出樓按，抑或要等銀行批出按揭，先簽正式買賣合約，因而向網友救助。

網友們二話不說回應，只要資料整全，不消一、兩個星期銀行就會批出樓按，又溫馨提示，應該同一時間「貨比三家」，再比較哪一間銀行提供的按揭條款最好再下決定，而最穩陣的做法，應該睇中單位後、未簽臨訂之前，就要同步向銀行埋手，尤其是有相熟銀行的買家，有機會給予申請人預先批核，雖然最終按揭條款、利率或許有偏差，但至少買家知道「行情」，安心等銀行批核。

有買家購入二手樓後擔心未能批出按揭。（資料圖片）
有買家購入二手樓後擔心未能批出按揭。（資料圖片）

網民點睇

pbpk0384xxxx：齊料無野要補，最快三個工作天

lllccxxxx：最快最快1星期，你去銀行做左預先批核，咁就最穩陣

xx147：如無按保一、兩星期就得，有就多一倍時間都唔出奇，不過都要視乎資料齊唔齊， 買果層樓既質素，當前經濟環境等

xxx_yehyeh：一個至一個半月左右算快，一般都批足比你，放心

xxxxanmama：我無等按揭批先簽正式合約呀，未試過咁快批出。我都係兩個月成交，中間出左問題批唔切就比人沒收大訂架嘞，無必要冒甘大險， 預鬆小小時間比自己。如果齊文件， 兩個月好夠， 而且好多業主亦未必肯三個月成交

xxxxxfunpig：我由申請到批大概一個月，簽左正約之後先收到offer

judyxxx：我落大訂時都未出，不過銀行係成交日前已批咗，銀行會睇住你個交日期做嘢。不過建議同一時間做幾間，到批咗你都仲可以睇下邊間靚仔啲。

xxxping：其實最好預先問你自己心儀嘅銀行，預先已經知道大概得定唔得，我當時搵自己出糧嗰間同埋另一間大銀行，兩間都唔使兩個星期就批左

20150xxxbb：有臨約便可以申請樓按，但小心佢同你講可以按幾錢，但你真係要做樓按時可能無咁多，小心點。估唔足價唔係問題，只是你以為可借款係佢初步講個數

資料來源：地產站
Facebook：上車攻略 hkbuyhome
更多上車情報：美加息變減息 港樓市可受惠?

分類
置業貼士

【首置上車】新盤VS二手樓 上車優劣比較

「一手…二手…一手…二手……」首置買樓應買一手還是二手？尤其若讀者一世人可能只夠財力買一個單位時，當然希望可以在能力範圍之內選中最好。下文繼續有港大鄒廣榮及陳清白分享其看法。

二手樓是較好選擇

已有首期，並以自住為最終目標的話，鄒廣榮認為二手樓是較好選擇。從價錢出發，二手樓當然較新樓開價平；其次，購買一手樓還要跟海外買家競爭。

鄒廣榮表示，發展商提供很多按揭和財務安排，除讓本來很多入不到市的本地居民得以入市之外，其實亦為吸引海外買家市場。

由於身在外地，難以如本地人般抽時間逐間睇盤，而新樓正正好在「無樓睇」，故大多必定集中於一手樓市場。

發展商按揭暗藏魔鬼細節?

較早前，發展商突然將一些非豪宅類樓盤亦以招標形式出售，財力有限的本地上車族就會較蝕底。因此，買樓自住者二手樓更略勝一籌。

發展商的新樓按揭雖然助買家更易上車，但不少計劃均暗藏魔鬼細節。這些毋須壓力測試，申請即批的「呼吸Plan」近年廣受歡迎，又有超低按息輕鬆供樓的一按、二按。

之不過，不少都是糖衣包裝，供了數年才發現後期苦不堪言。

以買入約400萬的單位為例，有發展商提供優惠，低於百萬元首期即能「上車」；首三年先供息，首年每月供款低至7,800元；第三年亦僅約12,000元。

買家在第四年前未能轉按至銀行按揭計劃，便要沿用發展商的貸款計劃，但年利率高近6.4厘，相當「揦脷」。還未計屆時發展商將再買家追收部分樓價。

按揭計劃眼看抵玩，之前亦有買家「賭贏」發展商，成功轉按賺到優惠的例子。然而市面上的按揭計劃玩法愈來愈層出不窮，一不留神，隨時由人生勝家頓成負資產。

陳清白直言，現時一手樓的銷售透明度低。遠在1997年前，發展商賣樓均會在價單列出整幢樓每個單位的售價，清清楚楚。

付款方法亦得兩種，十分簡單：一是建築期付款，一是即供分期，提供折頭。

之後買家找銀行「上會」，並要在個半月內付款；反觀近年的付款方法幾十個，有的一個盤已有四個不同的付款方法。「我自己作為老手都睇唔明。」陳清白笑言。

他又道，一般人的心態是樓價愈便宜愈不買，愈難買才吸引到買家搶購。於是發展商被逼推高樓價，更要做到每推全沽般，營造樓價還有空間上升的氣氛。

可是，近年的新樓回報只有一厘多，還要付管理費及差餉。故陳清白認為現在新樓不值得買。

撰文： Smart ED 編輯部
圖片：新傳媒資料庫、unsplash
資料來源： Smart ED
Facebook：上車攻略 hkbuyhome
更多上車情報： 租比內地生真係咁筍？網民：要有心理準備大裝修



分類
置業貼士

【換樓攻略】細屋換大屋堅難

不少人抱着先上車，再換樓的心態，去買入納米盤。不過，如果買家欲細換大，沽出納米樓所套現資金，其實未必有十足的把握於原區換樓。

早前重推的屯門「龍床盤」菁雋，吸引大批年輕人入市，並由父母陪同揀樓，估計不少買家都抱着先上車，未來細樓換大樓的心態入市。不過，單位銀碼細，未來所套現的資金，未必足以購入同區屋苑。其中以市區樓差距最大，兩房單位比納米樓，樓價上可以貴逾6成。

假設業主原持有環海‧東岸一個面積194平方呎單位，近日以428萬元沽出，較買入價320萬元，帳面獲利108萬元。連同已取回的供款，即可以套現171萬元。

而同區指標屋苑黃埔花園，面積389平方呎2房單位，最新成交價710萬元，首期4成計，要284萬元。即沽出納米樓的套現資金，只足夠繳付6成的首期，仍相差逾百萬元。

除非業主期間的收入，以及儲蓄有大增長，否則難以應付換入同區物業開支。或者要選擇退一步，轉投新界區屋苑如天水圍嘉湖山莊，目前2房成交價現約520萬至540萬元不等。

納米戶與2房單位，樓價存有大的差異。
納米戶與2房單位，樓價存有大的差異。

撰文： 文倩婷
資料來源：HKET
Facebook：上車攻略 hkbuyhome
更多上車情報： 「龍床盤」熱賣的啟示

分類
置業貼士 樓市資訊

【矛盾大對決】買樓最好近鐵路？網民：邊個唔知 有錢先得架！

買樓屬人生大事，當你有入場的本錢，除了揀屋苑、坐向、景觀、面積，交通亦是考慮因素，網民Realtyfrixxxxx提出疑問，買樓情願選擇樓價較貴港鐵屋苑，抑或樓低平一點，但出入靠巴士、小巴代步？

網友幾近一面倒支持「近港鐵」為首選，但亦認同近港鐵的樓價較貴。香港雖然細，但其實好多地方都並非港鐵能直達，反而巴士、小巴分分鐘「站到站」去到目的地，正如有網友指，大埔中心位置並不近港鐵大埔墟站，但屋苑範圍內的巴士、小巴總站，綫路之多，兼行走港、九、新界各地，所以其叫座力及受歡迎程度，不讓近港鐵站屋苑專美。

鐵路附近物業保值力最高，但同樣價錢亦較貴。（資料圖片）
鐵路附近物業保值力最高，但同樣價錢亦較貴。（資料圖片）

網民回應：

xxUser：有得選擇，一定地鐵沿綫，自住、出租都有市場

dexxx：選近地鐵，因為自己方便之餘，買物業係要買價值，不要只看價錢

user4670xxxx：兩個選擇都只基於一個決定因數：錢，而正常情況夠錢就會選較方便的地鐵沿綫盤，樓價已反映交通原因。

nhfxxx：可揀行去地鐵十分鐘步程的樓盤，加近巴士站，一般都好抵住。呢類盤我見多數低水，同無港鐵差不多，但行十分鐘我覺得OK。但唔一定「地鐵」影響價值，巴士網絡都有影響，好似大埔中心因為完善巴士網所以貴了些，但如果你完全不坐巴士就無謂住啦。同樣地好似住荔景或火炭，你唔坐港鐵出入，同住山旮旯都差無幾

projectxxxxx：買乜人人要求唔同，但揀鐵路附近除左值錢，重點係可以預時間返工出入，唔洗下下等車，慳番好多時間

thunderxxx：揀鐵路沿綫盤，不過通常車位好緊張

人之初xx：梗係買地鐵盤，流通性高

singsingxxxx：貴唔係問題，問題只在你有無錢買到心儀單位，如要住劏房開放式，又唔夠住又迫，咁就麻煩

THXX：樓價平啲，慳到用嚟買架車都好

資料來源：地產站
Facebook：上車攻略 hkbuyhome
更多上車情報：【樓換樓】面積愈細呎價愈貴 如何一房搬三房

分類
置業貼士

【壓力測試】壓力測試點計？儲到首期但按揭唔批！買400萬元樓 人工最少要…

港女男神劉鳴煒曾經話，「情侶要維持長期關係，以有沒有樓作為重點，我認為是錯的。」但冇樓喎，你真係結婚？呢一年幾以來，雖然樓價曾有調整，但依然貴到好離地，沙田第一城兩房都講緊要5球，好似唔上車就呢世都上唔到咁。

過到壓力測試先批到按揭

你真係跟人諗住撲入市？咪住先，唔好以為係咁易儲到幾十萬首期，就可以上到車。因為依家香港按揭規定仍然好嚴，除咗要睇銀行肯借幾多成按揭畀你之外，仲要睇下你入息過唔過到壓力測試。曾經有月入30,000元的打工仔，買一層400萬元的樓都過唔到壓力測試，結果要撻訂，損失唔少。咁月入幾多先可以上到車呢？今次就同大家計一計數。

壓力測試 按揭 樓市 樓價 上車 買樓 入息 壓測 九成按揭 400萬樓
買樓唔止睇銀行肯借幾多成按揭畀你，仲要睇下你入息過唔過到壓力測試。圖片：新傳媒資料室

正常按揭供款利率計算

如以供款利率按息為2.375厘計算，分30年供款。第一次置業自住而且有固定收入，年紀唔係太大在40歲以下，所買單位又唔算太舊，最好在40年以下，最高可以按到90%。但要留意，計完的每月供款，必須低於入息的45%。

舉個例，一層400萬元樓，首期40萬元，貸款額為360萬元，每月供款為13,992元，入息最少便要31,093元。以為人工有31,093元以上就無問題？咪住！最難一步係通過壓力測試。

壓力測試 按揭 樓市 樓價 上車 買樓 入息 壓測 九成按揭 400萬樓
每月供款必須低於入息的45%。圖片：新傳媒資料室

假設利率上升3厘，供款利率變為5.375厘，每月供款會增至20,159元，而供款要佔每月入息比率會增加至55%以下。即是說，你每月入息最少要36,653元先過到關！所以話，目前上車盤大部份都是4字頭，但一個月入30,000元的打工仔，根本冇可能上車。

仲有一點，借六成以上按揭（非自用為五成），係需要畀按揭保險，上述例子就要俾逾15萬元。如果冇咁多錢就要加借，咁每月供款額又會大咗，在壓力測試下，最低入息要求會變左38,247元啦。

壓力測試 按揭 樓市 樓價 上車 買樓 入息 壓測 九成按揭 400萬樓
一個月入30,000元的打工仔，根本冇可能上車。圖片：中新社

用呢套方式去推算其他樓價的最低入息要求，同樣借九成按揭，分30年還，會得出以下結果：

450萬元以上 最多借80%

要留意，九成按揭兼借按揭保險計劃，只適用於400萬或以下物業，如在400萬至450萬元的物業，可借八成至九成之間。惟450萬至600萬元的物業，則最多只可以借八成，即是首期又要儲多啲。不過講明上車，都唔好諗到咁高樓價啦。

仲要提提各位，買樓前除預備首期，還要預留其他開支，包括印花稅、律師費合約、屋契或按揭契、代理佣金等等。350萬元的樓，呢啲洗費加加埋埋都起碼要預留10萬元。呢筆錢都仲未計裝修費，所以話，係香港上車真係一啲都唔易。

編按：以上資料僅按參考，一切以承造按揭的金融機構提供的最新數據為準。

撰文：SmartED編輯部
圖片：新傳媒資料室、unsplash、中新社
資料來源：SmartED
Facebook：上車攻略 hkbuyhome
更多上車情報：【樓換樓】面積愈細呎價愈貴 如何一房搬三房

分類
置業貼士

【早買早享受】唔敢買樓怕做樓奴 冇置業 將來財富少幾百萬

Anthony Sir你好，我剛剛出來工作幾年，開始有點積蓄，身邊有朋友叫我買樓，介紹我看你的專欄，大開眼界。然而又有朋友叫我不要買樓，說不值做樓奴。我剛剛起步，未經歷過，未能評估成交，其實買樓與冇買樓之間，將來財富會相差幾遠呢？

回覆讀者來信

最差的情況，入錯市…

好多人唔敢買樓，都係驚買咗之後，樓價會跌！講真，有幾多人真係識買樓，真係專業投資者丫，市場上絕大部份買家，其實都是用家，只想買一層樓自己住，買賣經驗較少，心理質素較差，容易受到市場氣氛影響，更容易被代理Sell，沒有接受過專業訓練，驚買錯，甚至真買錯，很正常！問題是，即使買錯，都好過冇買！

舉個例子，筆者有些朋友，早在1997年的時候就買樓，後來遇上大跌市，有人中途蝕讓、負資產離場，有人因為單位是自住，而且又供得起，於是就硬着頭皮繼續供樓，20年過去了，樓也供完了。時機，揀錯！期間曾經歷大跌六、七成…樓，買錯！事隔20多年只是重返家鄉多少少…方法，用錯！只買一層自住，不懂得如何再投資…即使買咗，樓價跌，又如何？今天已經擁有一個Full Paid單位了，市值600萬！如果沒有買樓，仍然租樓，財富差距就是600萬，而且隨時可以透過翻按，套現幾百萬元作投資、消費，多爽！

較理想的情況，入對市…

剛才的情況是，即使入錯市，供滿樓之後，財富差距最少幾百萬，不過時間就較長。如果入對市呢？正如前文所講，過去十幾年有很多次入市好機會，太久遠的不談了，不實際。就講近年的，2016年樓市跌勢頗急，筆者不少學員都成功上車買樓，其中有不少個案，都在之前出版的書籍、播出的電視節目裡跟大分享過。例如其實一個以413萬買入大角咀的新式屋苑單位，首期只是40多萬，今天市值已經超過700萬了，短短3年時間就已經賺了300萬了。又以幾個月前的跌市為例，我們去年年中已經叫學員做好準備迎接跌市，最終在短短幾個月跌市中大舉撈底，很多4、5百萬的上車盤，短短幾個月已經升值逾百萬了。幾年之後再樓換樓，很快就可以買到逾千萬的自住樓了，將來供滿樓，財富相差就是逾千萬了。

最理想的情況，學會投資…

剛才講的情況，只是以普通人，買個自住單位計算。如果願意花時間花精神學習投資，成為專業投資者，財富相距更遠！筆者與身邊不少學員都是過來人，十層八層樓在手，財務自由的比比皆是。做生意、炒股票…當然都可以賺到錢，但始終風險比較高，蝕錢的機會都大，相反磚頭就穩陣得多，正如前文所說，就算買樓樓，都好過冇買。懂得買樓投資，識把握機會，識計數，想窮都難！

以早年的學員為例，當年百多萬買入的上車盤，今天都已經5百多萬了，隨便執幾個單位收租，都已經有1、2千萬資產了。如果期間再懂得發揮一下槓桿，買多幾層樓收租，如果在辣招下冇晒名額，就擴闊一下投資領域，以筆者及身邊的學員為例，工廈、商廈、車位、大陸樓…永不停步，將來有樓與冇樓之間，財富相距幾千萬只是等閒事，最重要是可以提早退休、財務自由，贏錢也贏人生！

撰文：1%Anthony
圖片：新傳媒資料室、unsplash
資料來源：SmartED
Facebook：上車攻略 hkbuyhome
更多上車情報： 90後上車3大心得

分類
置業貼士 樓市資訊

【極不智】上車其中一個方法……

不少人組織家庭後，都想住近父母屋企，方便互相照顧。不過世事就係冇咁完美，已為人新抱網民就話，兩公婆一直想住近女方媽媽，不過媽媽居於港島區，同區樓價好貴，成為多年上唔倒車的原因。

近日就有一個「兩全其美」的想法，就係賣左奶奶層樓，換自己心水地區，而兩公婆出少少加供樓，可以滿足倒自己住近媽媽的願望之餘，同時可以上車，三來更加可以同奶奶住，就問大家呢個方法好唔好。

賣左奶奶層樓，再用來上車 ? 不少網民都叫事主千其唔好咁做，要奶奶沽出養老的物業，事主就要預左照顧奶奶至終老，二來難以要老人家要搬離自己熟悉地方，三來將來一定會有婆媳問題，就叫事主行動之前要三思。

網民點睇

KoxxyB：咁都冇理由打奶奶層樓主意，買唔到一係買遠D，一係買細D，一係租。

藍X巴：佢賣樓，真係成世同你都永不分離啦。。。宜家相敬如賓係因為有距離，住埋一齊，你訓晏d/用廁所耐d都有說話聽時，走又走唔到真係喊三聲

yaXXneko：你買不到指定的貴價樓，係同你c6生涯規劃的事，無理由拖99下水掛。生仔就外婆照顧，晩餐就晩晚上外婆家吃。買樓就99賣自己的樓，來滿足你既要求。

唔好X我：即係為咗要住近阿媽，而要同奶奶一齊住? 絕對唔會囉!仲要係賣咗奶奶層樓?咁你呢世都搣唔甩佢。極度不智！

我愛CXXina：如果新買地方夠大（預埋請工人照顧長者，即5人住，大概實用面積1000呎以上）本身同老爺奶奶夾到，我覺得都可行。

AXXy1204：問題係大舊首期係6299出，仲要之後同住。咁家務點分工呢？親友間的閒言閒語，承受到嗎？樓上講得好好，真係要留條後路俾自己。

資料來源：地產站
Facebook：上車攻略 hkbuyhome
更多上車情報： 90後上車3大心得

分類
置業貼士

90後上車3大心得

樓價高年輕人置業難，有90後分享上車記，就寄語年青人，其實上車可以考慮住遠點，住細點，再加上有定期儲蓄習慣，其實要置業唔難。

先看看90後事主背景，現居港島，從事審計行業，2014年畢業出來月薪只要1.3萬元，過去5年薪金有增長，至今月薪已達3.78萬元，另最重要是每月要記數，避免洗多左，上年尾加人工後，已經月儲2萬元。

事主2018年開始搵樓，近日以400萬元，購入元朗新盤1房單位。雖然單位細，不過未來會換樓，唔會一世住起度，加上樓價合心水，自己一個有能力供得起，最終決定扑槌入市。

不少網民都十分欣賞事主態度，唔會花時間等樓市回落先上車，踏實得來做人有計劃。不過，亦有人認為事主是專業人士，上車難度比一般人低。事實上，現今樓價水平，一般人要上車，其實都幾辛苦下。

有90後分享，只要有儲蓄習慣，唔介意住遠些及細一些，要上車並不是難事。（資料圖片）
有90後分享，只要有儲蓄習慣，唔介意住遠些及細一些，要上車並不是難事。（資料圖片）

網民點睇

Gardenxxrty36：我好欣賞你，靠自己計掂數就買，唔會好高騖遠，踏實叻仔。

dicXX1231：呢個人工升幅，一睇就知係人才la。

黃昏x自信：好多人淨係識講唔識做，我有個朋友已經博士畢業，屋企又有錢，但因為覺得樓市會跌，前後等左5至6年到而家就黎結婚都未落到決心買樓。樓主你用計數嘅方式走出呢一步，已經叻過好多人，呢一步需要決心同勇氣，唔係個個都做到。

明日xx的世界：樓主做得啱，供樓始終都係供比自己，租樓幫人供，加上識睇餸食飯，唔心頭高，將來有能力再換，心態正確

hkdundxxined：點都好，就算大西北，樓細都好，上咗車先，起碼lock死咗一part嘅資金同樓市掛鈎。過多兩三年，儲到錢可以再換大D，市區D。

Loloxxuo：有計劃！叻仔！我都係差唔多係咁，不過我好堅持要住返自己個區，同埋至少有350呎。

卡xxaka：專業人士其實唔難上車，一睇你人工升跳就知唔係一般職業，不過樓主90後好西利，會諗將來，我都係睇送食飯，買左元朗區，我冇樓主咁專業既職業，上車都幾辛苦下

網址連結：九十後買樓記

資料來源：經濟日報
Facebook：上車攻略 hkbuyhome
更多上車情報： 預售樓花兩成要求變數字遊戲 存3大灰色地帶

分類
置業貼士 樓市資訊

買樓入市 兵貴神速

踏入下半年，是時候為樓市作一次簡單的上半年回顧。今年上半年，樓市一手交投相當活躍，基本上是「一手天下」，期內樓價亦由去年下半年大幅反彈。至於二手方面，綜合美聯分行資料，全港35個大型屋苑交投，一度受惠農曆新年購買力爆發帶動，由年初約30餘宗升至2月份至4月份約100宗左右水平，但隨後受累中美貿易戰、優質盤源買少見少、加上本港政治爭拗等因素的影響，交投重新回落至6月底約30餘宗，總括而言是「價高量穩」的局面。

近期新盤群推，均錄得不俗的銷售反應，即時刺激其他發展商亦部署加快推盤，相信7月份將迎來下一輪新盤浪潮。筆者與前線同事交流所得，近期有樓市買家因早前地皮撻訂事件而暫緩入市決定，但其實該地產商屬中資背景，投地的取態與本港地產商略有不同，所以對樓市後市的指標性不算太大，個人認為暫時毋須過慮。

投資者正觀望G20峰會的結果對樓股市場帶來的影響，姑勿論結果如何，無論是從事代理業的業界中人，抑或是用家或上車客，在下半年，筆者的致勝錦囊是一個「快」字，筆者嘗試用最愛閱讀的《孫子兵法》說明之。

「《孫子兵法》作戰篇」提到：「兵貴勝，不貴久」，即是大家熟知的「兵貴神速」，其實我們從事地產代理，又或者其他商業競爭，一定要和「時間」競賽，尤其現今世代，客人時刻都需要最新、最快、最貼市、最準確的資訊，在這場時間比賽中稍一落後，可能已經輸給其他人。

此外，作為準買家或者未上車的用家，如果不夠「兵貴神速」，入市時也大有可能會「執輸」。市場資料顯示，新居屋申請數目高逾40萬份的新高，足見市場置業強勁剛需非常強勁，而且現有單位供應絕不足以滿足所有需求。
　
事實上，目前有不少上車客明明有能力付首期，收入穩定又足夠供樓，但睇中筍盤後往往左思右想，永遠想等樓價跌，又或者想買到「最抵」的物業。然而，當上述居屋向隅客回流一手或二手市場買貨時，買家稍一遲疑，不夠「快」不夠果斷，筍盤可能已經被其他買家搶走，因此「兵貴勝，不貴久」，無論在軍事上，還是日常生活上，同樣適用。

台灣首富郭台銘說過：「在現今的世界，沒有『大』的打敗『小』的，只有『快』的打敗『慢』的。」，如果想成為勝利的一方，下半年緊記「唯快不破」的道理。

撰文：布少明 美聯物業住宅部行政總裁
 

資料來源：經濟日報
Facebook：上車攻略 hkbuyhome
更多上車情報： 預售樓花兩成要求變數字遊戲 存3大灰色地帶

分類
置業貼士

想趁跌市買筍盤 4個測試睇你Ready買樓未

個個都話想趁跌市買筍盤，唔通個個都買到咩？機會只留俾有準備的人，你係咪真係Ready？睇凱匯就知，只要平少少，就有好多人衝出嚟，筍盤唔等人，如果未準備好，就算有筍盤都唔夠人爭，點先知道自己Ready未？先做以下幾個簡單的測試，初步知道你係咪準備好。

撰文：1%Anthony  ｜ 圖片：新傳媒資料室、unsplash

朋友： 有筍盤話我知丫，我首期準備好架啦！

筆者： 好呀，糧單、稅單、月結單攞嚟睇吓~~

朋友： 冇喎！我自僱架嘛，邊有呢啲~~

筆者： 冇點借按揭呀？你唔係Full Pay吓話？

測試一：未準備好入息資料

最常見的情況…打工都好啲，工司有齊所有你需要的資料，即使唔見咗都可以搵會計部、人事部攞番。自僱人士就麻煩了，很多時候收入都唔穩定，而且報稅時都扣得就扣，甚至報蝕錢，唔使交稅。以為好爽，到你做按揭的時候就麻煩了。例如自僱人士，要定期將收入存入戶口，保存好銀行紀錄，仲要報稅、交MPF，如果發覺唔夠計，未必過到壓力測試。那就要先找親戚朋友，萬一到時過唔到就要加付首期，有冇人撐你先？搞得嚟又幾個月了！

筆者： 你係咪首置？

朋友： 係…我都未買過樓！

筆者： 你而家住緊嗰度呢？

朋友： 係喎！當年老豆好似加咗我哋幾姐妹名！

筆者： 噢！咁要甩名喎~~

測試二：原來好多人都唔知自己有樓！

上一代家庭觀念重，很多時買樓都會加埋另一半名，甚至加埋仔女名，做埋長命契。

萬一有咩冬瓜豆腐，層樓就會自動轉咗俾仔女，免卻遺產承辦的麻煩。

然而今時今日，這份心意就變成伏！層樓加咗名，即是持有住宅物業，即是唔係首置，買樓就要俾15% 勁辣印花稅。

朋友還好，那是私樓，可以隨時透過買賣甩名。

最慘是當年買居屋的時候，業主一欄填晒幾個屋企人名，今日想甩都唔係咁容易，白白浪費了幾個珍貴的買樓名額。

朋友： 最近有冇筍盤呀？

筆者： 有呀！啱啱收到一間，啱你Budget！

朋友： 咩嚟架？

筆者： 市區一房半新樓，5百幾萬，租1.6萬~~

朋友： 幾好喎，幾時有得睇？

筆者： 係就而家行啦，呢件貨應該過唔週末。

朋友： 咁急？出年仲會唔會再跌呀？

測試三：心理未準備好

如果你仍然都問自己…出年會唔會跌呀？明顯…問得呢個問題，代表你心入理仍未準備好。筍盤一閃即逝，莫講話唔過週末，甚至乎唔過夜，如果到而家都擔心今年樓市會唔會再跌，即是十五、十六，唔可以即時做決定，就算勉強買咗都只會瞓唔啫覺，不如調整好心態先，話俾自己知即使明年再跌多少少，有人買平你幾十萬，但最少你都已經比高位買入的人買平咗近百萬，都算唔錯啦，然後當機會出現的時候就勇於出票試價，買咗就唔好後悔。

筆者： 你心目中諗住邊個地區？

朋友： 冇乜心水，邊度升值潛力高？

筆者： 大西北啦，跌得夠勁。

朋友： 好少去嗰邊，有啲擔心，好似防守力唔夠！

筆者： 東九啦，租務穩陣。

朋友： 老婆唔係咁鍾意嗰邊，好似跌得唔夠勁！

筆者： 不如你自己周圍睇吓先，再話我知…

測試四：揀定地區未？

跌得勁就唔會防守力夠，防守力夠就唔會跌得勁啦！咪玩啦！全港咁大，揀定未先？正如之前所講，筍盤唔等人，要快做決定，如果仍然三心兩意，呢度又話遠，嗰度又話唔鍾意，呢度又話防守力唔夠，嗰度又話跌得唔夠勁，咁點爭？不如真係自己抽啲時間周圍睇吓，揀定幾個地區重點出擊啦！如果決定唔到，不如就由自己住的地方，又或者工作的地方開始先，最少你熟悉，隨時都可以睇到樓嘛。

資料來源：SmartED
Facebook：上車攻略 hkbuyhome
更多上車情報： 預售樓花兩成要求變數字遊戲 存3大灰色地帶